Кнігі намінантаў на сайце прэміі Гедройца


На афіцыйным сайце прэміі імя Ежы Гедройца з’явілася інфармацыя пра ўсе намінаваныя кнігі.

На афіцыйным сайце прэміі імя Ежы Гедройца з’явілася інфармацыя пра ўсе намінаваныя кнігі.

Цяпер на старонках сайта можна прачытаць анатацыі да кніг, знайсці звесткі з творчай біяграфіі аўтараў, а таксама пазнаёміцца з урыўкамі большасці кніг, што намінуюцца на прэмію.

У пачатку чэрвеня журы прэміі вызначыць доўгі спіс прэміі з 12 найлепшых кніг. Сачыце за абнаўленнямі на сайце!

У журы сёлета ўвайшлі: Ігар Бабкоў, Сяргей Дубавец, Людміла Рублеўская і Ганна Янкута — з беларускага боку; Анджэй Бжэзецкі і Малгажата Ноцунь — з польскага боку.

Прэмія імя Ежы Гедройца ўручаецца з 2012 года. Папярэднія пераможцы: Павал Касцюкевіч з кнігай “Зборная РБ па негалоўных відах спорту” (2012), Уладзімір Някляеў з кнігай “Аўтамат з газіроўкай з сіропам і без” (2013), Ігар Бабкоў з кнігай “Хвілінка: Тры гісторыі” (2014), Віктар Казько з кнігай “Час збіраць косці” (2015).