З 23 па 26 лютага мінскі Тэатр юнага гледача пакажа ўсе спектаклі з праекта  «Сустрэчы з класікамі і сучаснікамі».

22 лютага Беларускі ПЭН-цэнтр распачынае прыём заявак на прэмію імя Міхала Анемпадыстава за найлепшы дызайн вокладкі да беларускай кнігі.

З нагоды Дня роднай мовы больш за 80 экспертаў у галіне беларускай мовы і культуры, навукоўцаў, літаратараў ды іншых вядомых дзеячаў культуры – як з "афіцыйных", так і з "неафіцыйных" асяродкаў – падпісалася пад Адкрытым лістом, ініцыяваным Працоўнай групай па падтрымцы беларускай мовы і культуры Пашыранага складу Каардынацыйнай Рады. Ліст апісвае становішча, у якое трапілі наша мова і нацыянальная культура, і акрэслівае ўмовы для самога існавання, адраджэння і росквіту беларускай мовы і культуры ў сучаснай Беларусі.

ГА "Беларуская асацыяцыі журналістаў" рашуча асуджае рашэнне суда па справе журналістак канала "Белсат" Дар’і Чульцовай і Кацярыны Андрэевай (Бахвалавай). Беларускі ПЭН падтрымлівае заяву і патрабуе неадкладнага вызвалення журналістак з-пад варты.

Адкрыты прыём заявак на прэмію імя Наталлі Арсенневай за найлепшую паэтычную кнігу на беларускай мове.

17 лютага (серада) а 19.00 адбудзецца эфір з паэткай Настай Кудасавай. У сераду паразмаўляем пра яе новую кнігу "Вясна, вуснам цесна", прэмію Міхася Стральцова, абмяркуем, ці складана вывучаць удмурцкую мову і як пісаць вершы ў перыяд грамадска-палітычнага крызісу. Таксама паэтка прачытае некалькі вершаў і адкажа на пытанні гледачоў.