Фестываль «Pradmova» завітае ў Брэст


29 лютага ў прасторы “КХ” (вул. Халтурына, 2/1) адбудзецца фестываль інтэлектуальнай кнігі «Pradmova». Цэлы дзень з вамі правядуць пісьменнікі, інтэлектуалы, музыкі, выдаўцы і іншыя героі нашага часу.

Праграма “Прадмова-Брэст”

12.00 – 12.20 Сяргей Амяльчук “Кароль Маціаш I Корвін і паэтка Ніна Мацяш. Разгадка роду”
12.20 – 12.40 Яўген Бяласін: “Што літаратура, а што не”. Спроба вобразна-мікраэсэістычнага вызначэння
12.40 – 13.10 Ганна Янкута, Ігар Крэбс і Юля Цімафеева з прэзентацыяй навінак серыі: Фернанду Песоа, Энхедуанна, Георг Гайм, Стывен Крэйн
13.10 – 13.40 “Калі прыгледзецца, Марс сіні”: прэзентацыя антырамана Змітра Вішнёва
13.40 – 14.00 Белліт за 5 хвілін: буктрэйлеры Прэміі Гедройца-2019
14.00 – 14.40 Што засталося ад беларускай класікі? Размова пра канон з Ганнай Севярынец
14.40 – 15.10 “Мае 90-ыя” з Альгердам Бахарэвічам
15:10 – 15.40 “Ангельскія раздзяўбаі ў беларускай байдарцы”. Размова пра класічную сатыру з перакладчыкам раману Джэрома К. Джэрома “Трое ў чоўне і пёс з імі” Паўлам Касцюкевічам
15.40 – 16.40 Маналогі з Богам: гутарка з Валянцінам Акудовічам.
16.40 – 17.00 Прэзентацыя кнігі “Ўводзіны ў філасофію” з яе ўкладальнікамі Паўлам Баркоўскім і Анатолем Сідарэвічам
17.00 – 18.00 Дзмітрый Строцаў з прэзентацыяй кнігі аднаго верша “Отец и сын” і паэты Мінскай школы
18.00 – 19.00 Дыскусія “Перакласці на родную канапу. Сучасны мастацкі пераклад у дзеянні”. Удзельнікі Альгерд Бахарэвіч, Юлія Цімафеева і Ганна Янкута. Мадэратарка Аляксандра Логвінава (“Вандроўная кнігарня”)
19.00 – 20.00 Паэтычны мікрафон: Ганна Комар, Уладзімір Глазаў, Юлія Цімафеева, Дар’я Бялькевіч
20.00 – 20.30 Музычны эпілог ад Lear (акустычны выступ)
20:30 завяршэнне фестывальнага дня

Уваход на ўсе часткі праграмы вольны.

Можна будзе не толькі паслухаць літаратараў і музыкаў, але і набыць кнігі выдавецтваў “Логвінаў”, “Галіяфы”, “Янушкевіч”, “ARCHE”, часопісы з серыі “Наша Ніва” і “Суродзічы” ды атрымаць аўтографы аўтараў і перакладчыкаў.

«Pradmova» – пляцоўка для камунікацыі паміж выдаўцамі, аўтарамі, рэдактарамі, ілюстратарамі, дызайнерамі і чытачамі. Фестываль праходзіць з 2018 года ў Мінску і рэгіёнах Беларусі. Штогод у ім прымаюць удзел найлепшыя беларускія і замежныя літаратары, а праграма складаецца з дзесяткаў разнастайных імпрэз.